Xalıq deputatları Taxtakópir rayonlıq Keńesi baslıǵı A.Reyov, sekretariat baslıǵı T.Jusipov hám Jergilikli byudjet, еkonomikalıq reformalardı ámelge asırıw, investiciyalar hám isbilermenlikti rawajlandırıw máseleleri boyınsha turaqlı komissiyası baslǵı S.Kayrzaeva, orınbasarı E.Begmanov hám de Sociallıq taraw, jaslar siyasatı, mádeniyat hám sport máseleleri boyınsha turaqlı komissiyası baslıǵı Q.Jalievler birgelikte rayonlıq Keńestiń gezektegi 22-sessiyası kún tártibine kirgizilgen "Muhammad al-Xorezmiy miyrasxorları" joybarı sheńberinde shólkemlestiriletuǵın arnawlı toparlardı bilimlendiriw processleri ushın zárúr imarat hám texnikalıq úskeneler menen támiyinlewge rayonlıq jergilikli byudjettiń artıqsha orınlanǵan bólegi esabınan qarjı ajıratıw haqqında"ǵı másele boyınsha deputatlar tárepinen orınlarǵa shıqqan halda úyreniw jumısları ámelge asırıldı.
Úyreniwde joybardı ámelge asırıw ushın jaslar orayı imáretınan ajıratılǵan xanalardı, jaratılǵan sharayatlar, infrastruktura hám texnikalıq úskenelerge bolǵan talaplar hár tárepleme kórip shıǵıldı.
Deputatlar tárepinen bildirilgen pikir-usınıslar tiykarında bul másele rayonlıq Keńestiń gezektegi sessiyasında hár tárepleme dodalanıp, tiyisli qarar qabıl etiliwi rejelestirilgen.

✅ Xalıq deputatları rayonlıq Keńesi tárepinen sessiya kún tártibine kirgizilgen máseleler boyınsha orınlarda úyreniw jumısları turaqlı shólkemlestirilmekte.