Xalıq deputatları Taxtakópir rayonlıq Keńesine ÓzLiDEP partıyasınan deputat Q.Ibadullaev, rayon hákiminiń orınbasarı P.Ernazarov penen birgelikte Ózbekstan Respublikası Prezidentiniń 2026-jıl 5-fevraldaǵı 49-sanlı qararına muwapıq, rayonımızdaǵı 8 máhálle "awır máhálle" kategoriyasına kirgizilgen bolıp, Dawqara APJ aymaǵında infrastrukturanı jaqsılaw baǵdarında keń kólemli ámeliy jumıslar alıp barılmaqta.
Atap aytqanda, búgingi kúnde "Dáwqara" APJ aymaǵındaǵı ishki kóshelerde ulıwma uzınlıǵı 3,1 kilometr bolǵan jollardı asfaltlaw jumısları ámelge asırılmaqta.
Processke arnawlı qurılıs texnikaları hám mexanizmleri tartılǵan bolıp, jumıslar belgilengen reje tiykarında izbe-iz dawam ettirilmekte.
Bul qurılıs jumıslarınıń nátiyjesinde máhálle ishki jollarınıń sapası jaqsılanıp, xalıq ushın qolaylı hám qáwipsiz háreketleniw sharayatı jaratıladı. Sonday-aq, aymaqtıń abadanlıǵı hám zamanagóy kórinisi jáne de bekkemlenedi.