Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat B.Kamalov tomonidan tumanning “Barraj” mahallasiga biriktirilgan ijtimoiy xodim L.Karimova faoliyati o‘rganildi.

O‘rganish jarayonida ijtimoiy xizmatga muhtoj aholi qatlamlarini, xususan, nogironligi bo‘lgan shaxslar, yakka-yolg‘iz keksalar hamda o‘zgalar parvarishiga muhtoj fuqarolarga ko‘rsatilayotgan ijtimoiy xizmatlar holati tahlil qilindi. Jumladan, ijtimoiy xodim tomonidan xizmat ko‘rsatilayotgan fuqarolar ro‘yxati, ularning ehtiyojlarini aniqlash, manzilli ijtimoiy xizmatlarni tashkil etish, uy sharoitida parvarish qilish, tibbiy muassasalarga murojaat etishda amaliy ko‘mak berish, reabilitatsiya vositalari bilan ta’minlash, ijtimoiy nafaqa va kompensatsiyalar rasmiylashtirilishi hamda davlat tomonidan yaratilgan imtiyozlardan foydalanish holati ko‘rib chiqildi.

O‘rganish davomida ijtimoiy xizmatlar sifati, murojaatlarga munosabat bildirish tezkorligi, har bir fuqaro bilan individual ishlash tizimi ham tahlil qilinib, xizmat ko‘rsatish samaradorligini yanada oshirish yuzasidan fikr almashildi. Aniqlangan ayrim kamchiliklarni bartaraf etish, ijtimoiy xizmatlarning qamrovi va sifatini yaxshilash, ehtiyojmand fuqarolarning muammolarini o‘z vaqtida hal etish bo‘yicha tegishli tavsiyalar berildi.