📍 Sherobod tuman Elektr ta’minotida deputatlik nazorati o‘tkazildi

👥 Xalq deputatlari Surxondaryo viloyati Kengashining 4-"Sherobod" saylov okrugi deputati R. Xolmirzayeva hamda Xalq deputatlari Sherobod tumani Kengashi kotibiyati mudiri O. Tursunov ishtirokida Sherobod tuman Elektr ta’minoti korxonasida O‘zbekiston Respublikasining 2017-yil 11-sentabrdagi O‘RQ–445-son “Jismoniy va yuridik shaxslarning murojaatlari to‘g‘risida”gi Qonuni ijrosi yuzasidan savolnoma asosida o‘rganish ishlari olib borildi.

📝 O‘rganish davomida korxonada fuqarolar va yuridik shaxslarning murojaatlarini qabul qilish, ularni ro‘yxatga olish, ko‘rib chiqish hamda belgilangan muddatlarda hal etish bo‘yicha amaldagi tartiblar o‘rganildi. Shuningdek, murojaatlar bilan ishlash tizimining samaradorligi, mas’ul xodimlarning qonunchilik talablaridan xabardorlik darajasi hamda murojaatlarni ko‘rib chiqishda ochiqlik va shaffoflik tamoyillariga rioya etilishi yuzasidan tahlillar o‘tkazildi.

🔍 Savolnoma asosida qonunning asosiy tushunchalari va talablari, jismoniy hamda yuridik shaxslarning murojaatlarini qabul qilish tartibi, murojaatlarni nazoratga olish, o‘z vaqtida ko‘rib chiqish va ijrosini ta’minlash bo‘yicha xodimlarning amaliy bilimlari baholandi.

🤝 O‘rganish yakunida murojaatlar bilan ishlash sifatini yanada oshirish, fuqarolarning murojaatlarini o‘z vaqtida va qonunchilik talablariga muvofiq ko‘rib chiqishni ta’minlash, shuningdek, bu boradagi nazorat mexanizmlarini yanada takomillashtirish yuzasidan tegishli tavsiya va takliflar bildirildi.