Xalq deputatlari Taxiatosh tumani Kengashiga Oʻzbekiston Liberal-demokratik partiyasidan saylangan deputat Madaminov Alisher Abdullayevich hamda Qoraqalpogʻiston Respublikasi Joʻqorgʻi Kengesi deputati Djumamuratova Mukarrama Saliyevna “Taxiatosh” mahallasida o‘tkazilayotgan “Mahallada obodlik va mehr-oqibat oyligi” doirasidagi tadbirlarda faol ishtirok etib, hududda amalga oshirilayotgan bunyodkorlik ishlari bilan tanishdi.

🌿 Tashrif davomida Taxiatosh tumani Obodonlashtirish boshqarmasi tomonidan olib borilayotgan ishlar, xususan, asosiy ko‘chalar bo‘yini tozalash, ko‘kalamzorlashtirish, yashil hududlarni parvarishlash hamda ariqlar orqali sug‘orish suvi yetkazib berish bo‘yicha amalga oshirilayotgan tadbirlar joyida ko‘zdan kechirildi.

🤝 Mutasaddilar bilan muloqot davomida obodonlashtirish ishlarini sifatli va tizimli tashkil etish, yashil maydonlarni muntazam parvarishlash hamda mahallaning ozodaligini ta’minlash masalalariga alohida e’tibor qaratildi.

🌱 Obod va ko‘rkam mahalla — aholi, deputatlar va mas’ul tashkilotlarning hamkorlikdagi sa’y-harakatlari samarasi hisoblanadi.