Prezidentimiz Shavkat Mirziyoyev raisligida 2026-yil 21-iyul kuni o‘tkazilgan videoselektor yig‘ilishida “mahalla yettiligi” faoliyatini yangi tizim asosida tashkil etish hamda eng og‘ir mahallalarda “Dolzarb 40 kunlik” tadbirlarini amalga oshirish bo‘yicha muhim vazifalar belgilandi.

Mazkur topshiriqlar ijrosi doirasida Mirzo Ulug‘bek tumanining “Ulug‘bek” mahallasida obodonlashtirish, ko‘kalamzorlashtirish, hududlarni tartibga keltirish hamda aholi yashash sharoitlarini yaxshilashga qaratilgan keng ko‘lamli ishlar amalga oshirilmoqda.

Tadbirlarda mahalla faollari, nuroniylar, yoshlar, “mahalla yettiligi” vakillari hamda keng jamoatchilik faol ishtirok etmoqda. Ko‘chalar va jamoat joylari obodonlashtirilmoqda, yo‘l yoqalari hamda hududlar maishiy va qurilish chiqindilaridan tozalanmoqda, daraxtlar parvarish qilinmoqda, yangi ko‘chatlar ekilmoqda, devorlar oqlanmoqda.

Obod mahalla — farovon hayot garovi!

Barchani yashab turgan hududimiz tozaligi va obodligiga befarq bo‘lmaslikka chaqiramiz.