Shu maqsadda Xalq deputatlari Termiz shahar Kengashi kotibiyat mudiri,deputat A.Ashurov hamda kotibiyat bosh mutaxassisi R.Mamashukurov Kengashning 3-“Shifokor” saylov okrugi deputati O.Lapasova saylov okrugiga qarashli “Shifokor” mahallasida bo‘lib, Kengash huzuridagi “Yoshlar maslahat” guruhi a’zosi A.G‘affarov ishtirokida O‘zbekiston Respublikasining 2016-yil 14-sentabrdagi O‘RQ–406-sonli “Yoshlarga oid davlat siyosati to‘g‘risida”gi Qonuni doirasida hududda yoshlar bilan ishlash holatini o‘rgandilar.
O‘rganish jarayonida O‘zbekiston Respublikasining 2016-yil 14-sentabrdagi O‘RQ–406-sonli “Yoshlarga oid davlat siyosati to‘g‘risida”gi Qonuni doirasida mahallada amalga oshirilayotgan ishlar yuzasidan mas’ullar bilan suhbat o‘tkazildi.
🔎 Suhbat davomida yoshlar bilan ishlashning amaldagi holati, ularning muammolarini aniqlash va hal etish, yoshlarning huquq va qonuniy manfaatlarini ta’minlash, shuningdek, yosh avlod uchun yaratilayotgan imkoniyatlardan samarali foydalanish masalalariga alohida e’tibor qaratildi.
Xususan:
🔹 yoshlarning murojaatlari va muammolarini o‘rganish;
🔹 yoshlarni ta’lim va kasb-hunarga yo‘naltirish;
🔹 yoshlar bandligini ta’minlash va ularni mehnat faoliyatiga jalb etish;
🔹 yoshlarning bo‘sh vaqtini mazmunli tashkil etish;
🔹 iqtidorli va tashabbuskor yoshlarni qo‘llab-quvvatlash;
🔹 yoshlar o‘rtasida huquqbuzarliklarning oldini olish;
🔹 yoshlarning jamoat va mahalla hayotidagi faolligini oshirish;
🔹 yoshlarning qonuniy manfaatlarini himoya qilish borasidagi ishlar muhokama qilindi.
💬 Shuningdek, yoshlar bilan ishlashda faqat mavjud muammolarni aniqlash emas, balki ularni oldindan ko‘ra bilish, yoshlarning tashabbuslarini qo‘llab-quvvatlash va har bir yoshning imkoniyatini ro‘yobga chiqarishga ko‘maklashish muhimligi ta’kidlandi.
📌 “Yoshlar maslahat” guruhi faoliyati doirasida yoshlarning fikr va takliflarini o‘rganish, ularni mahalliy Kengash faoliyatiga yaqinlashtirish hamda yoshlar manfaatlariga daxldor masalalarni muhokama qilishning ahamiyati qayd etildi.
🇺🇿 Yoshlar — mamlakatning buguni va kelajagi. Shu bois mahallalarda yoshlar bilan ishlash tizimini yanada takomillashtirish, ularning muammolariga manzilli yondashish va yaratilayotgan imkoniyatlardan samarali foydalanish bo‘yicha deputatlik nazoratini kuchaytirish muhim ahamiyat kasb etadi.
📍 “Shifokor” mahallasidagi mazkur o‘rganish ham yoshlar bilan ishlash samaradorligini oshirish, mavjud muammolarni aniqlash va ularning yechimiga ko‘maklashishga qaratildi.