Xalq deputatlari Bag‘dod tumani Kengashining 6-"Zafarobod" saylov okrugi deputati M.Ergashev hamda Kengash Kotibiyati bosh mutaxassisi A.Ismoilov tomonidan "Oydinbuloq" mahalla fuqarolar yig‘inida profilaktika inspektorining xizmat faoliyati o‘rganildi.

O‘rganish davomida mahalla profilaktika inspektori A.Turg‘unboyevning 2026-yilning 6 oyi davomida amalga oshirgan ishlari atroflicha tahlil qilindi. Jumladan, hududdagi kriminogen vaziyat, jinoyat va huquqbuzarliklarning oldini olish, fuqarolar murojaatlari bilan ishlash, profilaktik tadbirlarning samaradorligi hamda jamoat xavfsizligini ta'minlash borasida olib borilgan ishlar muhokama qilindi.

Qayd etilishicha, hisobot davrida mahalla hududida 1 ta o‘g‘irlik jinoyati sodir etilgan. Mazkur holat yuzasidan ko‘rilgan choralar hamda kelgusida shunday holatlarning oldini olish bo‘yicha amalga oshirilayotgan profilaktik ishlar yuzasidan axborot berildi.

O‘rganish yakunida mahalla hududida huquqbuzarliklar profilaktikasini yanada kuchaytirish, aholi bilan manzilli ishlash va jinoyatchilikka qarshi kurashish samaradorligini oshirish bo‘yicha tegishli tavsiya va takliflar bildirildi.