Xalq deputatlari Bag‘dod tumani Kengashining 23-"Qorako‘l" saylov okrugi deputati Sh.Xoldarov, tuman Kengashi kotibiyati mudiri G‘.Abdullayevlar hamda tuman hokimi X.Isaqov bilan birgalikda "Qorako‘l" mahalla fuqarolar yig‘ini hududida hokim yordamchisi tomonidan amalga oshirilayotgan ishlar joyiga chiqib o‘rganildi.

O‘rganish davomida aholi bandligini ta’minlash, tadbirkorlikni rivojlantirish, oilalar daromadini oshirish, fuqarolar murojaatlari bilan ishlash hamda mahallada amalga oshirilayotgan ijtimoiy-iqtisodiy loyihalar ijrosi yuzasidan olib borilayotgan ishlar tahlil qilindi.

Shuningdek, "Mustaqillik" ko‘chasida istiqomat qiluvchi M.Tojimatov tomonidan go‘sht yo‘nalishida chorvachilik faoliyati yo‘lga qo‘yilgani o‘rganildi. Hozirda xo‘jalikda 120 bosh qora mol parvarish qilinib, ushbu loyiha uchun 3 milliard so‘m investitsiya yo‘naltirilgan. Natijada 7 ta yangi ish o‘rni yaratilgani qayd etildi.

O‘rganish yakunida hokim yordamchisiga amalga oshirilayotgan ishlar samaradorligini yanada oshirish, aholi bandligini ta’minlash va tadbirkorlikni qo‘llab-quvvatlash bo‘yicha ishlarni izchil davom ettirish yuzasidan tegishli tavsiya va takliflar bildirildi.