O‘zbekiston Respublikasi Prezidentining 2026-yil 5-yanvardagi PQ-1-son qarori ijrosi doirasida Sharof Rashidov tumani prokuraturasi tomonidan mahallalarda jinoyatchilikning barvaqt oldini olish, huquqbuzarliklar profilaktikasi samaradorligini oshirish hamda fuqarolar osoyishtaligini ta’minlash borasida amalga oshirilayotgan ishlar tuman Kengashining Korrupsiyaga qarshi kurashish va xavsizlik masalalari bo'yicha doimiy komissiyasi va deputatlar tomonidan joyida o‘rganilmoqda.

Shuningdek, "Huquqbuzarliklar profilaktikasi to‘g‘risida"gi O‘zbekiston Respublikasi Qonuni (O‘RQ-371, 2014-yil 14-may) ijrosi doirasida hududda huquqbuzarliklarning barvaqt oldini olish, fuqarolar, ayniqsa yoshlar va voyaga yetmaganlar o‘rtasida profilaktik tadbirlarni tashkil etish, jamoat tartibini saqlash, profilaktika inspektori, mahalla faollari va boshqa mas’ul idoralar hamkorligida olib borilayotgan ishlar, shuningdek, zamonaviy texnologiyalar orqali xavfsiz muhitni ta’minlash bo‘yicha amalga oshirilayotgan chora-tadbirlarning samaradorligi atroflicha o‘rganildi.
Toqchiliq mahallasining Otchopar massivida tuman prokuraturasi tashabbusi bilan jamoat xavfsizligini ta’minlash maqsadida amalga oshirilgan ishlar ko‘zdan kechirildi.