Xalq deputatlari Qo‘qon shahar Kengashi deputati G.Payg‘amova tomonidan "Yangi obod" mahalla fuqarolar yig‘inida saylovchilar bilan uchrashuv hamda hududdagi mavjud muammolarni o‘rganish ishlari olib borildi.

Uchrashuv davomida fuqarolarning murojaatlari, taklif va mulohazalari tinglanib, ularni qiynayotgan dolzarb masalalar yuzasidan ochiq muloqot tashkil etildi.

Xususan, fuqaro D.Davronov tomonidan Yangi obod ATXning 118, 119, 120 va 121-ko‘p qavatli uylariga xizmat ko‘rsatuvchi BSK faoliyati yuzasidan murojaat bildirildi. Murojaatda xizmat ko‘rsatish sifati talab darajasida emasligi, ko‘p qavatli uylarning kirish yo‘laklari (faye) hamda old qismida ta’mirlash ishlari olib borilishi zarurligi ta’kidlandi.

Deputat tomonidan mazkur murojaat o‘rganilib, ko‘tarilgan masalalar bo‘yicha aholi fikrlari tinglandi hamda mavjud kamchiliklar yuzasidan tegishli tashkilotga deputatlik so'rovi yuborilishi borasida kelishib olindi.

Xalq deputatlari Qo‘qon shahar Kengashi