Xalq deputatlari Qo‘qon shahar Kengashi deputati, Agrar, suv xo‘jaligi, qurilish, kommunal, ekologiya, sanoat va transport masalalari bo‘yicha doimiy komissiyasi a’zosi J.Xusanov tomonidan Qo‘qon shahar Uy-joy va kommunal qurilish bo‘limida O‘zbekiston Respublikasining 2022-yil 22-iyundagi O‘RQ-781-sonli “Yer uchastkalarini kompensatsiya evaziga jamoat ehtiyojlari uchun olib qo‘yish tartib-taomillari to‘g‘risida”gi Qonuni ijrosi yuzasidan amalga oshirilayotgan ishlar o‘rganildi.

O‘rganish davomida mazkur Qonun talablarining amaliyotga tatbiq etilishi, yer uchastkalarini jamoat ehtiyojlari uchun olib qo‘yish jarayonida fuqarolar va yuridik shaxslarning huquq hamda qonuniy manfaatlarini ta’minlash, kompensatsiya to‘lovlarini qonunchilik talablariga muvofiq amalga oshirish hamda ushbu yo‘nalishda olib borilayotgan tashkiliy ishlar yuzasidan mas’ullar tomonidan batafsil ma’lumot berildi.

Shuningdek, yer uchastkalarini olib qo‘yish bilan bog‘liq qarorlarni qabul qilish tartibi, mulkdorlar bilan ochiq muloqotni ta’minlash, kompensatsiya mexanizmlarining shaffofligini ta’minlash, fuqarolarning murojaatlarini o‘z vaqtida ko‘rib chiqish hamda yuzaga kelishi mumkin bo‘lgan nizolarni qonuniy asosda hal etish masalalari atroflicha muhokama qilindi.

O‘rganish jarayonida mas’ul xodimlar bilan fikr almashilib, qonun ijrosini yanada samarali tashkil etish, fuqarolarning huquq va manfaatlarini ishonchli himoya qilish hamda ushbu yo‘nalishda idoralararo hamkorlikni kuchaytirish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi