Xalq deputatlari Hazorasp tumani Kengashi kotibiyat mudiri Vaisov Mash'al Islomovich o‘zi saylangan okrug — Munis-Xorazmiy mahallasining Jaloliddin Manguberdi ko‘chasida Mahalla fuqarolar yig‘ini raisi Nurmetov Alisher Sapaevich hamrohligida ko‘chama-ko‘cha yurib, aholi bilan bevosita uchrashdi hamda ularni qiynayotgan muammolarni joyida o‘rgandi.

👉Muloqot davomida fuqarolar ushbu hududdagi transformatorning eskirgani sababli elektr energiyasi kuchlanishi pastligi, buning natijasida maishiy texnikalardan foydalanishda qiyinchiliklar yuzaga kelayotganini ta'kidlab, mavjud transformatorni zamonaviy va quvvati yuqori transformatorga almashtirish bo‘yicha murojaat bildirdilar.

📝Mazkur murojaat yuzasidan deputat tomonidan tuman elektr tarmoqlari korxonasi rahbariyati bilan tezkor maslahatlashuv o‘tkazildi. Natijada, eski transformator o‘rniga korxona tasarrufidagi quvvati yuqori transformatorni o‘rnatish ishlari zudlik bilan boshlab yuborildi.

📆Qisqa muddat ichida amalga oshirilgan ishlar natijasida aholi murojaati o‘z yechimini topdi va hududda elektr ta'minoti sifati yaxshilandi.

✅Fuqarolar murojaatlariga o‘z vaqtida e'tibor qaratish, ularni joyiga chiqqan holda o‘rganish va amaliy yechim topish deputatlik faoliyatining muhim yo‘nalishlaridan biri bo‘lib, bu kabi sa'y-harakatlar aholining davlat organlariga bo‘lgan ishonchini yanada mustahkamlashga xizmat qiladi.