Xalq deputatlari viloyat Kengashi deputati G.Bobojonova Yangiobod mahallasida bo‘lib, mahallada faoliyat yuritayotgan yoshlar yetakchisi hamda ijtimoiy xodimning xizmat faoliyati bilan yaqindan tanishdi. Tashrif davomida yoshlarni qo‘llab-quvvatlash, ularning bandligini ta’minlash, bo‘sh vaqtlarini mazmunli tashkil etish, ijtimoiy himoyaga muhtoj oilalar bilan manzilli
ishlash, ehtiyojmand fuqarolarga ko‘rsatilayotgan ijtimoiy xizmatlar hamda mahallada amalga oshirilayotgan ishlar muhokama qilindi. Shuningdek, mahalla hududini o‘rganish jarayonida aholi tomonidan bildirilgan murojaatlar, mavjud muammo va takliflar atroflicha ko‘rib chiqildi. Aniqlangan muammolarni bosqichma-bosqich hal etish maqsadida ular viloyat Kengashi deputati G.Bobojonovaning “Оkrugni aylanish daftari”ga belgilangan tartibda qayd etildi. Ta’kidlanganidek, har bir murojaat e’tibor markazida bo‘lib, ularning ijrosini ta’minlash, mutasaddi tashkilotlar bilan hamkorlikda amaliy choralar ko‘rish hamda aholini
qiynayotgan masalalarga o‘z vaqtida yechim topish deputatlik faoliyatining ustuvor yo‘nalishlaridan biri hisoblanadi. Tashrif yakunida mas’ullarga mahalladagi muammolarni manzilli hal etish, yoshlar va ehtiyojmand aholi bilan ishlash samaradorligini yanada oshirish hamda belgilangan vazifalar ijrosini ta’minlash yuzasidan tegishli tavsiyalar berildi.