Xalq deputatlari Chilonzor tumani Kengashi deputati, XDP a'zosi Mahmudova Donoxon Artikovna tomonidan Charx Kamolon-2 mahallasida istiqomat qiluvchi fuqarolardan kelib tushgan murojaatlar asosida tuman Obodonlashtirish boshqarmasi boshlig‘ining birinchi o‘rinbosari Farxod Nabiev nomiga yuborilgan deputat so‘rovi yuzasidan rasmiy javob olindi.
Javob xatida ma’lum qilinishicha, deputat so‘rovida ko‘rsatilgan holat yuzasidan mutaxassislar ishtirokida hududga chiqilib o‘rganish ishlari olib borilgan.
O‘rganish natijalariga ko‘ra, mahalla hududidagi daraxtlar bo‘yicha zarur ekologik xulosa olish uchun mahalla fuqarolar yig‘ini tomonidan Davlat xizmatlari markaziga belgilangan tartibda murojaat qilinishi lozimligi ma’lum qilingan.
Shuningdek, javobda mahalla ichida joylashgan daraxtlarga sanitariya butash va shakl berish ishlari mazkur mahallaga xizmat ko'rsatuvchi boshqaruv servis kompaniyasi hamda tuman Obodonlashtirish bo‘limi o‘rtasida tegishli shartnoma tuzilgandan so‘ng amaldagi tartib asosida amalga oshirilishi bildirilgan.
Mazkur masala yuzasidan olib borilayotgan ishlar Xalq deputatlari Chilonzor tumani Kengashi deputati Mahmudova Donoxon Artikovna tomonidan deputat nazoratida bo‘lib, fuqarolar murojaatlarida ko‘tarilgan masalalarning ijrosi yuzasidan monitoring ishlari davom ettiriladi.