Qonun ijrosi o‘rganildi

Xalq deputatlari Qo‘shko‘pir tumani Kengashi deputati Ulug‘bek Allaberganov Qorovul mahallasida bo‘lib, O‘zbekiston Respublikasining 2020-yil 20-oktabrdagi O‘RQ–642-sonli "Aholi bandligi to‘g‘risida"gi Qonuni ijrosi yuzasidan o‘rganish ishlarini olib bordi.
O‘rganishlar davomida mahallada aholi bandligini ta’minlash, ishsizlikni qisqartirish, fuqarolarni kasb-hunarga yo‘naltirish hamda ularning doimiy daromad manbalarini yaratishga qaratilgan ishlarning holati tahlil qilindi. Shuningdek, qonun ijrosini yanada samarali ta’minlash, mavjud muammolarni bartaraf etish va aholining bandligini oshirish bo‘yicha mas’ul tashkilotlarga tegishli tavsiya va takliflar bildirildi.
Mazkur nazorat tadbiri deputatlik faoliyatining muhim yo‘nalishlaridan biri bo‘lib, qonunlar ijrosi ustidan parlament nazoratini kuchaytirish, fuqarolarning ijtimoiy himoyasi va farovonligini ta’minlashga xizmat qiladi.
Instagram | Face book |  You Tube