Muammolar o‘rganildi

Xalq deputatlari Qo‘shko‘pir tumani Kengashi deputati S. O‘razmetov Yangilik mahallasida xonadonma-xonadon yurib, aholini qiynab kelayotgan dolzarb muammolarni o‘rgandi hamda ularni bartaraf etish yuzasidan tegishli taklif va tavsiyalar ishlab chiqdi.

Shuningdek, deputat mahalla yettiligi faoliyati, fuqarolar bilan o‘zaro hamkorlik darajasi hamda mahallada olib borilayotgan ishlarning samaradorligini o‘rgandi. Muloqotlar davomida aholi murojaatlari tinglanib, ularning qonuniy manfaatlarini ta'minlash, mavjud muammolarni manzilli hal etish va mahalla tizimida hamkorlikni yanada mustahkamlash masalalariga alohida e'tibor qaratildi.

Fuqarolar bilan ochiq muloqot va joylarda olib borilayotgan o‘rganishlar xalq manfaatlarini ta'minlash hamda "Xalq davlat idoralariga emas, davlat idoralari xalqqa xizmat qilishi kerak" tamoyilini amalda ro‘yobga chiqarishga xizmat qilmoqda.