Farovon mahallasidagi ishlar o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov, Kengash deputati Ro‘ziqulov Faxriddin Rasulovich hamda kotibiyat bosh mutaxassisi Diyorbek Toyirovlar tomonidan 13-Umid saylov okrugi hududidagi Farovon mahallasida mahalla raisining faoliyati o‘rganildi.

O‘rganish jarayonida mahalladagi ijtimoiy-iqtisodiy holat, aholi bilan ishlash tizimi, fuqarolar murojaatlarini ko‘rib chiqish, muammolarni aniqlash va ularni bartaraf etish borasida amalga oshirilayotgan ishlar tahlil qilindi.

Ma’lum qilinishicha, Farovon mahallasining umumiy yer maydoni 25 gektarni tashkil etadi. Mahallada 1 565 ta xonadon mavjud bo‘lib, ularda 9 586 nafar aholi istiqomat qiladi. Shundan 4 688 nafari erkaklar, 4 898 nafari ayollardan iborat.

Mahallada yoshlar bilan ishlash, ularning bandligini ta’minlash, ijtimoiy himoyaga muhtoj oilalarni qo‘llab-quvvatlash bo‘yicha tizimli ishlar olib borilmoqda. Xususan, “Ayollar daftari”ga kiritilgan 4 936 nafar xotin-qizlar bilan manzilli ishlar tashkil etilgan.

Shuningdek, hududdagi ijtimoiy soha obyektlari, tadbirkorlik subyektlari, infratuzilma holati, ichki yo‘llar, elektr va ichimlik suvi ta’minoti masalalari ham o‘rganildi.

O‘rganish davomida mahallada tinchlik va osoyishtalikni ta’minlash, huquqbuzarliklarning oldini olish, aholi bandligini oshirish, obodonlashtirish ishlarini yanada kuchaytirish hamda mavjud muammolarni bosqichma-bosqich hal etish bo‘yicha amalga oshirilayotgan ishlar muhokama qilindi.

Yakunida aniqlangan masalalar yuzasidan mas’ullarga tegishli tavsiya va takliflar bildirilib, mahalla hududida aholi uchun qulay sharoitlar yaratish, ijtimoiy-iqtisodiy rivojlanishni ta’minlash bo‘yicha vazifalar belgilab olindi.