Mirzo Ulug‘bek tumani “Olimlar” MFY, 145-sonli DMTTga tashrif davomida bolajonlar uchun yaratilgan qulayliklar, ta’lim-tarbiya jarayonining sifati, oziq-ovqat xavfsizligini ta’minlash holati hamda sanitariya-gigiena talablariga rioya etilishi atroflicha o‘rganildi.

Shuningdek, tarbiyalanuvchilar uchun yaratilgan muhit, ularning sog‘lom va xavfsiz sharoitda tarbiyalanishi masalalariga alohida e’tibor qaratildi. O‘rganish jarayonida muassasaning ayrim infratuzilma bilan bog‘liq muammolari ham aniqlandi.

Xususan, bolalar bog‘chasidagi cho‘milish xavzasi (basseyn)ni ta’mirlash yuzasidan murojaat bildirildi. Mazkur murojaat tuman maktabgacha va maktab ta’limi bo‘limi mas’ullari ishtirokida joyida o‘rganilishi va mavjud muammolarni bartaraf etish, zarur ta’mirlash ishlarini amalga oshirish hamda shart-sharoitlarni yanada yaxshilash bo‘yicha qo‘shimcha chora-tadbirlar rejalashtirildi.

Tashkilot yonidagi yo‘l yoqasida tirband qo‘yilishi oqibatida fuqarolar harakatlanishi uchun noqulayliklar tug‘dirayotgan va xavfsizlik talablaridan kelib chiqib, ta’qiqlovchi yo‘l belgilarini qo‘ydirish maqsadida mutasaddi tashkilotga deputatlik so‘rovi yuborilishi belgilab olindi.