Farovon mahallasida profilaktika inspektorining faoliyati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov, Kengash deputati Ro‘ziqulov Faxriddin Rasulovich hamda kotibiyat bosh mutaxassisi Diyorbek Toyirovlar tomonidan Farovon mahallasida ichki ishlar organlarining tayanch punkti profilaktika inspektori faoliyati o‘rganildi.

O‘rganish jarayonida profilaktika inspektorining hududda jamoat xavfsizligini ta’minlash, huquqbuzarliklarning oldini olish, fuqarolar murojaatlari bilan ishlash, aholi bilan hamkorlikni yo‘lga qo‘yish hamda profilaktik tadbirlarni tashkil etish borasidagi faoliyati tahlil qilindi.

Shuningdek, mahallada tinchlik va osoyishtalikni ta’minlash, huquqbuzarliklarning barvaqt oldini olish, aholi o‘rtasida huquqiy madaniyatni oshirish bo‘yicha amalga oshirilayotgan ishlar ko‘rib chiqildi.

O‘rganish yakunlari bo‘yicha aniqlangan masalalar yuzasidan tegishli taklif va tavsiyalar bildirildi. Hududda xavfsiz va osoyishta muhitni ta’minlash, profilaktika ishlarini yanada samarali tashkil etish bo‘yicha vazifalar belgilab olindi.