#_24_ta_masala
#_deputat_faoliyati
Tortuli mahallasida olib borilayotgan obodonlashtirish va qurilish ishlari o‘rganildi

Aholi yashash sharoitlarini yanada yaxshilash, mahallalarni obod va fayzli maskanga aylantirish hamda hududlarda amalga oshirilayotgan bunyodkorlik ishlarining sifatini ta'minlash maqsadida olib borilayotgan ishlar doimiy nazorat qilib borilmoqda.

Xalq deputatlari tuman Kengashi kotibiyati mudiri M.Ashurov tomonidan Tortuli mahallasida amalga oshirilayotgan obodonlashtirish va qurilish ishlari joyiga chiqib o‘rganildi.

O‘rganish jarayonida mahallada bunyod etilayotgan qurilish obyektlari, hududlarni obodonlashtirish, ichki yo‘llarni tartibga keltirish, ko‘kalamzorlashtirish, sanitariya-tozalik ishlarini tashkil etish hamda fuqarolar uchun yaratilayotgan qulay shart-sharoitlar atroflicha ko‘zdan kechirildi. Shuningdek, olib borilayotgan ishlarning sifati, belgilangan loyiha va me'yoriy talablar asosida amalga oshirilishi, qurilish jarayonlarining belgilangan muddatlarda yakunlanishi yuzasidan monitoring olib borildi.

Mas'ul tashkilotlar vakillari bilan o‘tkazilgan muloqot davomida har bir obyektdagi ishlarning borishi muhokama qilinib, aniqlangan kamchiliklarni qisqa muddatlarda bartaraf etish, qurilish va obodonlashtirish ishlarini sifatli hamda belgilangan muddatlarda yakunlash yuzasidan tegishli tavsiya va topshiriqlar berildi.

Shuningdek, mahalla infratuzilmasini yanada yaxshilash, hududning sanitariya holatini yuqori darajada saqlash, aholi uchun xavfsiz va qulay muhit yaratish, ko‘kalamzorlashtirish ishlarini kengaytirish hamda mavjud imkoniyatlardan samarali foydalanish masalalariga alohida e'tibor qaratildi.

Hududlarni obod qilish, qurilish ishlarini sifatli tashkil etish va fuqarolar uchun munosib yashash sharoitlarini yaratishga qaratilgan sa'y-harakatlar kelgusida ham izchil davom ettiriladi.