Xalq deputatlari Qo‘qon shahar Kengashi deputati Y.Tuychiyev tomonidan yuborilgan deputatlik so‘rovi yuzasidan Qo‘qon shahar hokimligi tomonidan rasmiy javob taqdim etildi.

Rasmiy javobda qayd etilishicha, deputatning 2026-yil 20-iyuldagi 79-ds-295-26-sonli topshirig‘i asosida "Chorchinor" MFY Chorchinor ko‘chasi 40-uyda faoliyat yuritayotgan tadbirkor tomonidan ishlab chiqarilayotgan mahsulotlarni onlayn sotishga oid zarur tushuntirish ishlari olib borilgan hamda amaliy yordam ko‘rsatilgan.

Mazkur murojaat bo‘yicha mutasaddi tashkilotlar tomonidan tegishli choralar ko‘rilgani va tadbirkorga zarur ko‘mak berilgani deputatlik nazoratining amaliy natijasi sifatida e’tirof etildi.

Deputatlik so‘rovlari orqali fuqarolar va tadbirkorlar tomonidan ko‘tarilgan masalalarni o‘z vaqtida o‘rganish hamda ularning yechimiga ko‘maklashish ishlari izchil davom ettirilmoqda.

Xalq deputatlari Qo‘qon shahar Kengashi