Xalq deputatlari Taxiatosh tumani Kengashi raisi, Oʻzbekiston Liberal-demokratik partiyasidan saylangan deputat Xidirbayev Rashid Xidirbayevich Kengash kotibiyati bosh mutaxassisi A.Aymbetov bilan birgalikda “Kambag‘allikdan farovonlik sari” dasturi doirasida amalga oshirilayotgan irrigatsiya tadbirlarining borishini joyiga chiqqan holda o‘rgandi.

🌱 Xususan, deputat o‘zi saylangan “Nurli kelajak” MFY 20-Seytmuratov saylov okrugi hududida aholi tomorqalarini sug‘orish suvi bilan barqaror ta’minlash maqsadida olib borilayotgan ishlar bilan tanishdi.

🔍 O‘rganish davomida irrigatsiya infratuzilmasini yaxshilash, sug‘orish tarmoqlarining samaradorligini oshirish hamda tomorqalardan unumli foydalanish uchun yaratilayotgan sharoitlar yuzasidan mas’ullar bilan fikr almashildi.

🤝 Ta’kidlanganidek, tomorqalarni suv bilan uzluksiz ta’minlash nafaqat dehqonchilik samaradorligini oshirish, balki oilalarning daromadini ko‘paytirish va “Kambag‘allikdan farovonlik sari” dasturi maqsadlariga erishishda muhim omillardan biridir.