Xalq va davlat idoralari o‘rtasidagi mustahkam ko‘prik bo‘lgan mahalliy Kengash deputatlarining joylardagi faoliyati ham aynan shu ezgu maqsadga qaratilgan. Xalq deputatlari Mirzo Ulug‘bek tumani Kengashi raisi Muyassar Yuldasheva “Oqibat” mahalla fuqarolar yig‘inida saylovchilar murojaatlari yuzasidan qabul o‘tkazib, ular bilan bevosita muloqot qildi.

Uchrashuv davomida fuqarolarni qiynab kelayotgan muhim masalalar tinglanib, muammolarni o‘rganish va murojaatlarni qayd etish daftariga yozib oldi. Xususan, mahalladagi boshqaruv servis kompaniyasining faoliyatidagi muammolar hamda kommunal sohadagi kamchiliklarni bartaraf etishda amaliy yordam so‘radilar.

Deputat fuqarolarga mazkur masalalarni shaxsan joyiga borib ko‘zdan kechirishini va muammolarning mazmun-mohiyatini chuqur o‘rganib chiqishini aytib, belgilangan qonun doirasida hal etilishini ma’lum qildi.

Mazkur sayyor qabul fuqarolar bilan davlat organlari o‘rtasidagi o‘zaro ishonchni mustahkamlash, muammolarga tezkor va manzilli yechim topishga xizmat qiladi.