#deputat_soʻrovi #poytaxtdeputatlari #deputatlik_faoliyati

❗️ Xo‘ja Uchqun mahallasida yo‘l harakati xavfsizligini ta’minlash masalasi deputatlik so‘rovi orqali ko‘tarildi

🏛 Xalq deputatlari Toshkent shahar Kengashi deputati Suhrob Saifnazarov tomonidan Toshkent shahar Ichki ishlar bosh boshqarmasi Yo‘l harakati xavfsizligi boshqarmasi boshlig‘i M. Adilov nomiga deputatlik so‘rovi yuborildi.

📩 Deputatlik so‘rovi Xalq deputatlari Yangihayot tumani Kengashi raisining 2026-yil 3-iyuldagi 80-kx-421-26-sonli murojaati hamda hududda o‘tkazilgan o‘rganishlar asosida tayyorlandi.

🚗 Murojaatda joriy yil iyun oyida “Xo‘ja Uchqun” mahalla fuqarolar yig‘inida mahalla yettiligi va aholi bilan uchrashuvlar o‘tkazilgani, unda hududdagi eng dolzarb muammolardan biri – markaziy yo‘lda yo‘l harakati xavfsizligi masalasi muhokama qilingani qayd etilgan.

⚠️ Ta’kidlanishicha, mazkur ichki yo‘l Yangihayot va Bektemir tumanlarini bog‘lovchi asosiy yo‘nalishlardan biri hisoblanadi. Yo‘l to‘liq ta’mirlanib foydalanishga topshirilgach, transport vositalarining yuqori tezlikda harakatlanishi holatlari keskin ko‘paygan. Natijada so‘nggi uch oy davomida ikki marotaba og‘ir yo‘l-transport hodisasi sodir bo‘lgan bo‘lib, ulardan biri fojiali oqibat bilan yakunlangan.

📝 Shu munosabat bilan deputat Suhrob Saifnazarov tomonidan “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalari asosida Toshkent shahar IIBB Yo‘l harakati xavfsizligi boshqarmasi boshlig‘i M. Adilovdan “Xo‘ja Uchqun” mahallasi ko‘chalarida O‘z DSt 3283:2019 talablari asosida sun’iy notekisliklar, zarur yo‘l belgilari, yo‘l chiziqlari, tezlikni cheklovchi texnik vositalar hamda piyodalar xavfsizligini ta’minlovchi muhandislik inshootlarini o‘rnatish masalasini o‘rganish, transport oqimining mahalla hayotiga ta’sirini kompleks tahlil qilish va harakatni tartibga solish bo‘yicha tegishli choralarni ko‘rish so‘raldi.

🔺 Deputatlik so‘rovida amalga oshirilgan o‘rganishlar hamda qabul qilinadigan chora-tadbirlar yuzasidan 10 kun muddatda asoslantirilgan yozma ma’lumot taqdim etish talab etilgan.

🤝 Mazkur masala mahalla hududida yo‘l harakati xavfsizligini kuchaytirish, fuqarolar, ayniqsa bolalar va piyodalarning xavfsizligini ta’minlash maqsadida deputat tomonidan nazoratga olindi.

📱 Telegram 📱 Instagram 📱 Facebook 📱 YouTube 🔎 E-kengash