XALQIMIZNING SIYOSIY-HUQUQIY TAFAKKURINING YUKSAK NAMUNASI

  Xalqimizning orzu, umidlari ezgu-maqsadlari o‘z ifodasini topgan Konstitusiyamiz, har bir fuqaro uchun bayrog‘imiz, gerbimiz, madhiyamiz kabi muqaddasdir.Chunki yangilangan Konstitutsiyaning ijodkori aynan O‘zbekiston xalqining o‘zidir. 

Konstitusiyamizning asosiy mohiyati insonga munosib hayot sharoitlari yaratish, uni baxtli qilishdan iborat.

Yangi tahrirdagi Konstitutsiyamizning umumjahon va xalqaro ekspertlar tomonidan e'tirof etiladigan xususiyatlaridan biri- uning “Biz, O‘zbekistonning yagona xalqi” deb boshlanishidir. Bunday jumlalarni boshqa biron bir qonunda uchratmaymiz. Buning o‘zi ham xalq hokimiyatchiligining yorqin dalolati.

Konstitusiyamizning yana bir eng muhim xususiyati – bu xalq suvereniteti e'tirof etilganligidadir. Uning 7-moddasida xalq davlat hokimiyatining birdan bir manbai ekani muhrlangan. Asosiy qonunimizni sinchiklab o‘rgangan har bir shaxs unda inson manfaatlari va qadri ustun qo‘yilganligini guvohi bo‘ladi. Konstitusiyamizning biron bir joyida davlat manfaatlari ustun qo‘yilgan moddani uchratish amrimahol,aksincha, 

"Insonning huquq va erkinliklarini ta'minlash davlatning oliy maqsadidir. Davlat inson hamda fuqaroning Konstitusiya va qonunlarda mustahkamlangan huquqlari va erkinliklarini ta'minlaydi. Bu kabi davlatning majburiyatlarini uchratamiz.

Shuningdek,Konstitusiyamizda insonparvarlik,diniy bag‘rikenglik,millatlararo tenglik kabi g‘oyalarni tarannum etkani bilan ham ajralib turadi. 

Yangilanish natijasida, bosh qomusdagi moddalar soni 128 tadan 155 taga, undagi normalar esa 275 tadan 434 taga oshdi. Umuman, Konstitusiya 65 foizga yangilangan. Ushbu asosiy Qonunimiz jahondagi eng mukammal konstitusiyalardan biridir.. Ush ixcham va keng qamrovliligi, xalqchilligi bilan alohida ajralib turadi. Unda, umumjahoniy tajribalar, demokratik tamoyillar, milliy davlatchiligimiz merosi bo‘lgan “Avesto”dan tortib, “Temur tuzuklari”i kabi milliy davlatchilik tajribalaridan ham foydalanilganligi, qolaversa, umumxalq muhokamasiga qo‘yilib , 85 mingdan ortiq takliflar kelib tushgani bilan ham e'tiborga molikdir.

Bir so‘z bilan aytganda, O‘zbekiston Konstitutsiyasi dunyodagi eng rivojlangan davlatlar Konstitusiyalari bilan raqobatlasha oladi. Qabul qilingan hujjatni hayotimizga samarali tatbiq etish bu Konstitusiyada ko‘zlagan maqsadlarning eng muhim shartidir. Ta'bir joiz bo‘lsa, yangilangan Konstitusiyamiz mamlakatimizning uzoq muddatli taraqqiyot strategiyalari, yurtimizning kelajakdagi ravnaqi va xalqimizning farovon hayoti uchun yanada mustahkam huquqiy asos yaratadi. Boshqacha aytganda, insonning qadr-qimmati, sha'ni va g‘ururi endilikda barcha sohalarda birinchi o‘ringa olib chiqiladi.

Qadimgi huquqshunoslikda “huquq, qonun hushyor, ogoh, g‘ayratli odamlar uchun yoziladi, g‘aflatda qolganlar uchun emas. Kim huquqlaridan foydalanmasa, ko‘rgan zarari uchun o‘zi aybdor” degan qarashlar mavjud bo‘lgan.

Shunday ekan har birimiz Konstitutsiyamizni puxta bilishimiz va qonunlarimizda kafolatlangan huquqlardan o‘z o‘rnida foydalana olishimiz lozim. Konstitutsiyada qayd etilgan burch va majburiyatlarimizni to‘laqonli bajarsak huquqiy-demokratik davlat va jamiyat qurilishiga o‘z hissamizni qo‘shgan bo‘lamiz. 

Fursatdan foydalanib barcha yurtdoshlarimizni 8-dekabr' O‘zbekiston Respublikasi Konstitusiyasi qabul qilingan kun bilan samimiy tabriklayman !

Flora Xolmuratova

Xalq deputatlari Pastdarg‘om tumani kengashi deputati.