Навоий шаҳридаги Мудофаа вазирлигига қарашли 20022-ҳарбий қисмда “Бир бўлсак – ягона халқмиз, бирлашсак – Ватанмиз!” шиори остида Ўзбекистон Республикаси давлат мустақиллигининг 33 йиллиги байрами муносабати билан ёшларни ҳарбий-ватанпарварлик
руҳида тарбиялаш мақсадида ташкил этилган тадбирга округ ҳамда ҳарбий қисм қўмондонлиги вакиллари, ҳарбий хизматчилар ва ёшлари иштирок этишди. Тадбир давомида сўнгги йилларда қонун устуворлигини таъминлаш, фуқароларнинг ҳуқуқ ва эркинликлари, қонуний манфаатларини ишончли ҳимоя қилиш кафолатларининг мустаҳкамланиши бўйича эришилган ижобий натижалар ҳақида фикр ва мулоҳазалар билдирилди. Мулоқотларда ёшлар ҳам ўзларини қизиқтирган саволларга мутахассислардан атрофлича жавоблар олишди. Тадбир сўнгида меҳмонлар ҳарбий қисмда ҳарбий хизматчиларга яратилган шароитлар билан яқиндан танишиб, бу каби имкониятлардан
ёшларни ватанпарварлик руҳида тарбиялашда ҳам фойдаланиш ўз самарасини бераётганини алоҳида таъкидлашди.