Xalq deputatlari Uchquduq tuman Kengashiga 11-“Geologlar” saylov okrugidan saylangan deputat A.Hamidov hamda Kengash kotibiyati mudiri M.Kamolovalar tomonidan “Mustaqillik” MFYda ijtimoiy xodim faoliyati va aholining ijtimoiy himoyaga muhtoj qatlamlariga ko‘rsatilayotgan xizmatlar holati o‘rganildi.

🔹 O‘rganish davomida kam ta’minlangan oilalarga ijtimoiy nafaqa va moddiy yordam tayinlash hamda to‘lash ishlari, ehtiyojmand fuqarolar bilan olib borilayotgan manzilli ishlar tahlil qilindi.

 Mahalladagi nogironligi bo‘lgan fuqarolar soni jami 98 nafarni tashkil etadi. Shundan:

▫️ I guruh nogironlari – 3 nafar

▫️ II guruh nogironlari – 76 nafar

▫️ III guruh nogironlari – 12 nafar

▫️ Bolalikdan nogironligi bo‘lgan fuqarolar – 18 nafar

 “Saxovat va ko‘mak” jamg‘armasi tomonidan ehtiyojmand oilalarga 3 marotaba yordam ko‘rsatilgan.

 Shuningdek:

▪️ kambag‘al oilalarning 18 tasiga 500 ming so‘mdan moddiy yordam berilgan;

▪️ davlat ta’minotida bo‘lgan fuqarolarga 1 million so‘mdan moddiy yordam ajratilgan.

Mahallada 3 nafar bola vasiylikka olingan bo‘lib, ularning ijtimoiy holati muntazam nazorat qilib borilmoqda.

Bundan tashqari, mahalladagi 11 nafar yakka yolg‘iz fuqarolarning har biriga assistent (qarovchi) biriktirilgan. Qarovchilar tomonidan haftasiga 2 marotaba xizmat ko‘rsatilib, barcha yakka yolg‘iz fuqarolarga bir martalik moddiy yordam ham taqdim berilgan.

 O‘rganish yakunida aholining ijtimoiy himoyaga muhtoj qatlamlarini qo‘llab-quvvatlash, manzilli yordam ko‘lamini kengaytirish hamda ko‘rsatilayotgan xizmatlar sifatini yanada oshirish yuzasidan tegishli tavsiyalar berildi.