Mahalladagi mavjud muammolarni bartaraf etish yuzasidan amaliy ishlar olib borilmoqda

Xalq deputatlari Navoiy shahar Kengashi deputati Xudoyqulova Nargiza G‘aybullayevna tomonidan mahalla hududidagi mavjud muammolarni o‘rganish hamda aholi uchun qulay shart-sharoitlar yaratish maqsadida amaliy ishlar olib borilmoqda.

Jumladan, “Nurafshon” ko‘chasida joylashgan ko‘p qavatli uylar oldidagi aholi foydalanib kelayotgan o‘rindiqlarning texnik holati o‘rganilib, ularni ta’mirlash yuzasidan tegishli shirkatga deputatlik so‘rovi yuborildi.

Murojaat asosida hududdagi barcha o‘rindiqlar to‘liq qayta ta’mirlanib, tartibga keltirildi hamda yangidan bo‘yaldi. Amalga oshirilgan ushbu ishlar mahalla aholisi uchun yanada qulay va obod muhit yaratishga xizmat qilmoqda.

Hududlarni obodonlashtirish, fuqarolarning murojaat va takliflarini o‘z vaqtida hal etish borasidagi bunday amaliy sa’y-harakatlar aholi roziligini ta’minlashda muhim ahamiyat kasb etmoqda.