Hududdagi investitsiyalar bo‘yicha holatini o’rganish

✍️Xalq deputatlari Pop tuman Kengashi deputati SH.Jo‘rayev tomonidan Muqumiy mahallasida hududda amalga oshirilayotgan investitsiya dasturlari ijrosi hamda olib borilayotgan bunyodkorlik ishlari holati o‘rganildi.Mahallada tadbirkorlikni rivojlantirish, yangi ish o‘rinlari yaratish, aholi bandligini ta’minlash hamda infratuzilmani yaxshilashga qaratilgan loyihalar yuzasidan mas’ullar bilan suhbat o‘tkazildi. 

Shuningdek, amalga oshirilayotgan qurilish va obodonlashtirish ishlari, ishlab chiqarish faoliyatini yo‘lga qo‘yish bo‘yicha yaratilayotgan sharoitlar ham ko‘zdan kechirildi.

Deputat tomonidan investitsiya dasturlari doirasida bajarilishi belgilangan ishlarning o‘z vaqtida va sifatli amalga oshirilishi, ajratilgan mablag‘lardan samarali foydalanish hamda mavjud muammo va kamchiliklarni bartaraf etish yuzasidan tegishli tavsiya va ko‘rsatmalar berildi.