Inson qadri uchun: Deputat ko‘magi va ijtimoiy himoya 

Xalq vakillarining asosiy vazifasi — har bir
fuqaroning dardi bilan yashash va ularning muammolariga amaliy yechim
topishdir. 

15-Fayzobod saylov okrugi deputati (XDP deputatlik
guruhi a’zosi) D.Komilova tomonidan "Fayzobod" MFY hududida
o‘tkazilgan o‘rganishlar davomida navbatdagi ijtimoiy masala aniqlandi. 

 Murojaat va
mavjud holat 

Deputat "Mustaqillik" ko‘chasi, 49-uyda
istiqomat qiluvchi fuqaro Kulibayeva Zaynabning xonadonida bo‘ldi. O‘rganish
jarayonida quyidagilar ma’lum bo‘ldi: 

Fuqaro
Z.Kulibayeva 6 yildan buyon ruhiy xastalikdan aziyat chekmoqda; 

Hozirda
uning parvarishi bilan turmush o‘rtog‘i shug‘ullanmoqda; 

Biroq,
uzoq yillik xastalikka qaramay, fuqaroga hanuzgacha nogironlik guruhi
tayinlanmagan. 

 Amaliy ko‘mak
va yechim 

Turmush o‘rtog‘ining parvarishdagi qiyinchiliklari va
oilaning ijtimoiy holatini inobatga olgan holda, deputat D.Komilovadan ushbu
fuqaroga nogironlik guruhini tayinlashda amaliy yordam so‘raldi. 

Deputat mazkur murojaatni nazoratga oldi. Fuqaroning
tibbiy ko‘rikdan o‘tishi, tegishli hujjatlarni rasmiylashtirish va
Tibbiy-mehnat ekspert komissiyasiga (TMEK) yo‘naltirish bo‘yicha tuman tibbiyot
birlashmasi mutasaddilariga deputatlik so‘rovi yuborilishi belgilandi. 

Telegram (http://t.me/PiskentTumaniKotibiyati)
Facebook (https://www.facebook.com/share/1B4wErcYvP/