Fuqarolar murojaatlari
bo‘yicha “Reyd”lar o‘tkazilmoqda 

 Xalq deputat
Farg‘ona tuman Kengashi deputati Abdusamat Alobidinov tashabbusi bilan tuman
Sanitariya-epidemiyalogik osoyishtalik markazi bilan hamkorlikda Farg‘ona
tumani Farg‘ona MFY hududida istiqomat qiluvchi fuqorolar arizalariga muvofiq
hududda joylashgan dam olish maskanlarida tozalikka rioya qilish hamda dam
olish, salomatlikni tiklash joylarida sanitariya qoidalari normalari va
gigiyenik normativ talablariga amal qiliish holatlari hamda ushbu maskanlardan
chiqayotgan turli xil turdagi chiqindilarni belgilangan joylarga belgilangan
sanitariya va gigiyena qoidalariga amal qilgan holda utilizatsiya qilish
bo‘yicha reydlar tashkillandi. 

O‘tkazilayotgan reydlardan maqsad dam olish,
davolanish muassasalarida sanitariya qoidalari normalari va gigiyenik
normativlari talablarining to‘liq bajarilishi, fuqarolar orasida turli xil
yuqumli va yuqumli bo‘lmagan kasalliklar paydo bo‘lishi va tarqalishi,
bolalarda qomat buzilishi, ko‘rish qobiliyatining pasayishi, asab hamda yuqori
nafas yo‘llari kasalliklari va boshqa kasalliklarni keltirib chiqarishi mumkin
bo‘lgan holatlarni oldini olishdan iboratdir.