Mirobod tuman hokimi va xalq deputatlari tuman Kengash deputatlari bilan birgalikda “Tolariq” mahallasida olib borgan o‘rganish davomida kutilmaganda №66 davlat maktabgacha ta’lim tashkilotiga kirib bordi va u yerdagi holatni shaxsan ko‘zdan kechirdi.

Hokim kirishi bilan ta’lim xonalarining biriga derazadan mo‘ralab, bolalar qurshovida o‘tirgan bog‘cha opasining qo‘lida telefonni ko‘rib, ish vaqti bolalar bilan shug‘ullanish kerakligini aytib, tanbeh berdi.

So‘ngra to‘g‘ri oshxonaga yo‘l oldi.

Bolalarga nonushta tayyorlanishi jarayoni ustidan chiqqan hokim, sanitariya normalari talablariga rioya qilinishi holatidan qoniqmaganini aytdi.

Oshxonadagi mahsulotlarning sifati va yaroqlilik muddatini o‘rgandi, bolalar taomnomasi bilan tanishdi.