Oliy Majlis Qonunchilik palatasi deputati, O‘zLiDeP fraksiyasi a’zosi Erkin Salixov bugun Oqdaryo tumanining Galaravot va Yangiqo‘rg‘on mahallalarida bo‘lib, O‘zLiDeP deputatlari, mahalla yettiligi va faollari bilan uchrashuvlar o‘tkazdi.

Uchrashuv davomida xalq vakili Prezidentimizning Sayxunobod tajribasini viloyatning chekka hududlariga ham yetkazish, aholi daromadini oshirishda tomorqa va uy xo‘jaligidan samarali foydalanish choralari yuzasidan ma’lumot berish bilan bir qatorda, Yoshlar va biznesni qo‘llab-quvvatlash yilida rejalashtirilayotgan chora-tadbirlar haqida so‘z yuritib, yurtimizda olib borilayotgan keng ko‘lamli islohotlar, yaratilayotgan shart-sharoitlar, qonunchilikdagi yangiliklar haqida ma’lumotlar berdi. Uchrashuv yakunida Oliy Majlis Qonunchilik palatasi deputati, O‘zLiDeP fraksiyasi a’zosi Erkin Salixov Maktabgacha ta’lim bo‘limiga qarashli 9-sonli maktabning “open budjet” loyihasi orqali g‘olib deb topilgan loyihasi bilan yaqindan tanishib chiqdi hamda tegishli ko‘rsatmalar berib o‘tdi.