Joriy yilda Yangi O‘zbekiston qiyofasi kompleks rivojlantirish dasturi asosida «Nayman» mahallasida bir qancha ijobiy ishlar amalga oshiriladi. Shu munosabat bilan tuman hokimi M.Ismoiliy saylov okrugi deputati Furqatbek Bo‘taxonov hamda Xalq deputatlari Buloqboshi tuman Kengashi raisi D.Danashev va bir nechta mutasaddi tashkilot rahbarlar ishtirokida mahallada olib boriladigan ishlar bo‘yicha uchrashuv o‘tkazdi. 

Xususan, ushbu islohotlar natijasida birgina mahallaning o‘zida 1 ta bolalar va sport (workaunt) maydonchasini barpo etish, Tosh maxalla, Mardu maydon va Intilish ko‘chalarida elektr tayanch ustunlar (stolba), tarmoq tortish va tranformator o‘rnatish, 1 ta Yangi zamonaviy mahalla binosi qurish, 38 nafar aholi bandligini ta’minlash, 80 nafar aholi daromadini
42 mln.so‘mdan oshirish, 8 ta tadbirkorlik sub’ekti tashkil etiladi. 15 ta tadbirkorlik sub’ekti faoliyati kengaytirish kabi ishlar amalga oshiriladi. Natijada ushbu mahalla qiyofasi tubdan o‘zgaradi. 

Uchrashuv so‘ngida hududlarni kompleks rivojlantirish, infratuzilmani yaxshilash, aholi turmush darajasini oshirishga qaratilgan ustuvor vazifalar muhokama qilindi. Shuningdek, amalga oshirilayotgan loyihalar samaradorligi va kelgusidagi
rejalar yuzasidan takliflar bildirildi.