Xalq deputatlari Parkent tuman Kengashiga 19-Chashma saylov okrugidan saylangan deputat Xojiboyev Jalol Xotamboyevich tomonidan “Xurriyat” MFY hududida joylashgan 46-oilaviy shifokorlik punktiga tashrif buyurib, aholiga oʻz vaqtida sifatli tibbiy yordam koʻrsatilishi, bepul beriladigan dorilar bilan ta’minlash holatlari bilan yaqindan tanishdi. Bunda oilaviy shifokorlik punkti mudiri aholiga bepul yetkazib beriladigan 120 xildagi dori vositalarini qabul qilish, saqlash va tarqatish tartibi, dorilar va tibbiy buyumlarga ehtiyoj qanday aniqlanishi hamda bu jarayonlarga kimlar mas'ul bo‘lishi haqida ma'lumotlar berdi. Shuningdek muassasada 6 nafar shifokor hamda 40 nafar hamshiralar tomonidan aholiga xizmat ko‘rsatilayotgani aytildi.Tadbir davomida deputat poliklinikadagi fuqarolar bilan samimiy muloqotda bo‘lib ularning muammolari, taklif va ehtiyojlari tinglandi.