Mahalla yettiligi faoliyati o‘rganildi

25-Esonturdi saylov okrugidan deputat Isroil Uzaqovich Sindarov “Guliston” mahallasida tashkil etilgan “Mahalla yettiligi” tashabbuskor guruhi hamda aholi vakillari bilan uchrashuv o‘tkazdi. 

Tadbir davomida hududdagi ijtimoiy-iqtisodiy muammolar, aholining kundalik turmushiga ta’sir ko‘rsatayotgan masalalar hamda mahalla hayotini yanada yaxshilashga qaratilgan tashabbuslar batafsil muhokama qilindi. Deputat tomonidan mahalla yettiligi faoliyati atroflicha o‘rganilib, ularning amaldagi loyihalari va kelgusidagi rejalar bo‘yicha fikr almashildi. 

Uchrashuv jarayonida aholi tomonidan ilgari surilgan taklif va muammolar tinglandi. Xususan, ichki yo‘llarni ta’mirlash, yashil hududlarni kengaytirish, mahalladagi ijtimoiy obyektlar faoliyatini qo‘llab-quvvatlash kabi masalalar ko‘tarildi. Deputat Sindarov bu borada tegishli tashkilotlar bilan hamkorlikda zarur choralar ko‘rilishini ma’lum qildi. 

Mahallada olib borilayotgan ishlarni yanada jadallashtirish, fuqarolarni ijtimoiy hayotga keng jalb qilish va mavjud muammolarning amaliy yechimini
topish yuzasidan kelishuvlarga erishildi. 

Uchrashuv yakunida deputat aholining murojaatlari doimiy nazoratda bo‘lishini, “mahalla yettiligi”ning samarali faoliyatini ta’minlash bo‘yicha
muntazam muloqotlar davom ettirilishini ta’kidladi.

Xalq deputatlari Bulung‘ur tuman Kengashi