Есабат дәўиринде сайлаўшылардан бир қатар мүрәжатлар келип түскен болып, оларға тийисли жуўапкерлер менен биргеликте унамлы шешип берилди. Өзбекстан ХДП Шымбай районлық Кеңесинде шөлкемлестирилген «Жәмийетшилик қабыллаўхана»сына 1-шерек даўамында бир қанша мүрәжатлер келип түскен болып, мүрәжатлардың барлығы унамлы шешилиўине ерисилди.

Сондай-ақ, “Кеңес” аўыл пуқаралар жыйынындағы “Хажы баба” аўылы турғынларын ишимлик суў менен тәмийинлеў мәселеси унамлы шешилип, қәўендерлик қаржылары есабынан 3 км аралыққа жаңадан ишимлик суў тармағы қурылды. Буннан басқа А.Темур көшесиниң 150 метр аралықтағы ишки топырақ жолына қум шебень (ЩПС) араласпасы төсеп берилди.

Соның менен бирге сайлаў округымдағы «Кеңес» АПЖ аймағы Темир тулпар көшесиниң 0,6 км аралықтағы ишки топарық жолына Өзбекстан Республикасы Министрлер Кабинетиниң 2024-жыл 11-октябрь күнги “Қалалар ҳәм басқа елатлы пунктлери көшелери ҳәм  ишки хожалық инфраструктурасын еледе жетилистириў ҳаққында”ғы 665-санлы қарарына тийкар, қум щебень (ЩПС) араласпасын төсеў жумысларын алып барыў белгиленген болып, қурылыс жумыслары жақын күнлерде басланыў алдында турыпты.

Соны да атап өтиў орынлы, сайлаўшылар мәмлекетимизде әмелге асырылып атырған реформалардан разылығы, оны ҳәр күни өз турмысында сезип атырғанлығын билдирди.

Сессия ҳәм турақлы комиссия, партияның үгит-нәсият илажларында турақлы қатнасып, оларда партиямыз электораты мәплеринен келип шығып өз пикир ҳәм усынысларымды билдирип келмектемен. 

Абадан УТЕПБЕРГЕНОВА,

4-"Кеңес" сайлаў округинен Халық депутатлары Шымбай районлық Кеңеси депутаты