Deputat mektep jumısın úyrendi

⚡️ Xalıq deputatları Shımbay rayonlıq Keńesiniń deputatı G.Eshanova “Qarakól” MPJ aymaǵındaǵı 44-sanlı mekteptiń jumısı menen tanıstı. Úyreniw dawamında bilimlendiriw mákemesinde oqıwshılarǵa sapalı tálim-tárbiya beriw, olar ushın múnásip sharayatlar jaratıw hám bilimlendiriw procesin nátiyjeli shólkemlestiriw baǵdarında ámelge asırılıp atırǵan jumıslar kózden ótkerildi.

Deputat mektep administraciyası hám pedagogikalıq jámááti menen sáwbetlesip, bilimlendiriw mákemesiniń búgingi jumısı, oqıwshılardıń bilim alıwı ushın jaratılǵan imkaniyatlar, oqıw xanalarınıń jaǵdayı, materiallıq-texnikalıq baza, oqıw úskeneleri hám bar mashqalalar boyınsha maǵlıwmat aldı.

Úyreniw procesinde bilimlendiriw mákemesinde bar mashqalalar hám olardı saplastırıw boyınsha usınıslar da dodalandı. Deputat mektep administraciyası menen birgelikte anıqlanǵan kemshiliklerdi saplastırıw, bilimlendiriwdiń sapasın hám nátiyjeliligin arttırıw, oqıwshılar ushın jáne de qolaylı sharayatlar jaratıw boyınsha tiyisli wazıypalardı belgilep aldı.

Deputatlıq úyreniwler dawam ettirilip, bilimlendiriw mákemeleriniń jumısın qollap-quwatlaw, bar mashqalalardı sheshiw hám jas áwladtıń sapalı bilim alıwı ushın zárúr sharayatlardı jaratıw máseleleri turaqlı itibarda boladı.