Xalq deputatlari Qo‘qon shahar Kengashiga 3-“Achchiqko'l” saylov okrugidan saylangan deputat M.Mavlonqulov tomonidan “Uzumzor” mahalla fuqarolar yig‘inida mahalla yettiligi bilan hamkorlikda ijtimoiy reyestrga kiritilgan oilalarning holidan xabar olindi.

O‘rganish davomida Achchiqko‘l Tegirmonboshi ko‘chasi, 2-uyda yashovchi X.Komilov xonadoniga tashrif buyurilib, oilaning yashash sharoiti, ijtimoiy ahvoli va mavjud muammolari bilan yaqindan tanishildi.

Suhbat davomida oilaning asosiy daromad manbai oila boshlig‘i X.Komilovning daromadi hamda onasining nogironlik nafaqasi ekanligi ma’lum bo‘ldi.

Oilani kambag‘allikdan chiqarish va farovonligini oshirish maqsadida doimiy va qo‘shimcha daromad manbalarini yaratish masalasi muhokama qilindi. Xususan, hokim yordamchisi tomonidan xonadonning imkoniyatlari va ehtiyojlaridan kelib chiqib, oilaga qo‘shimcha daromad manbaiga ega bo‘lishida amaliy yordam ko‘rsatish masalalari ko‘rib chiqildi.

O‘rganish yakunlari bo‘yicha oilaning ijtimoiy holatini yaxshilash, bandligini ta’minlash va daromadini oshirishga qaratilgan mavjud imkoniyatlardan samarali foydalanish bo‘yicha tegishli choralar belgilandi.

Mazkur masala deputat nazoratiga olinib, mahalla yettiligi va mas’ul tashkilotlar bilan hamkorlikda oilaga amaliy ko‘mak ko‘rsatish ishlari davom ettiriladi.

Xalq deputatlari Qo‘qon shahar Kengashi