O‘zbekiston Respublikasi Prezidenti Shavkat Mirziyoyevning “ShHT plyus” formatidagi uchrashuvda ilgari surgan tashabbuslarini katta ahamiyatga ega, deb hisoblayman.

🔵Bugungi murakkab va tez o‘zgarayotgan dunyoda tinchlik, xavfsizlik va barqaror taraqqiyotni ta’minlash uchun davlatlar o‘rtasidagi o‘zaro ishonch va hamkorlikni mustahkamlash muhimdir. Shu nuqtayi nazardan, BMTning markaziy rolini saqlab qolish hamda mintaqaviy tashkilotlar bilan samarali hamkorlikni rivojlantirishga qaratilgan yondashuvlar e’tiborga molik.

🔵Ayniqsa, “ShHT plyus” formatini yuqori texnologiyalar, ta’lim, inson kapitalini rivojlantirish, iqlim o‘zgarishlariga moslashish va yoshlarni qo‘llab-quvvatlash bo‘yicha mintaqalararo muloqot maydoniga aylantirish tashabbusi kelajak uchun muhim imkoniyatlar yaratadi.

🔵Prezidentimiz ta’kidlaganidek, ko‘p qutbli dunyo yangi ajratuvchi chiziqlarni emas, balki hamkorlik va imkoniyatlar makonini kengaytirishi lozim. Bu tamoyil O‘zbekistonning tinchliksevar, ochiq va o‘zaro manfaatli hamkorlikka asoslangan tashqi siyosatiga to‘la mos keladi.

🔵Men deputat sifatida ushbu tashabbuslarni qo‘llab-quvvatlayman. Chunki xalqaro miqyosdagi tinchlik va barqarorlik, iqtisodiy hamkorlik hamda zamonaviy texnologiyalar rivoji, avvalo, xalqimizning farovon hayoti va kelajagi uchun yangi imkoniyatlar yaratadi.

U.Ro‘ziyev, Xalq deputatlari Jondor tumani Kengashi deputati