#kunlik_ish_reja_ijrosi
#deputat_faoliyati
#24_ta_masala
#savolnoma_asosida
#okrugda_o‘rganish

Bandixon tumanida deputatlik nazorati: "Obod yurt" mahallasida aholi muammolari xonadonbay o‘rganildi

Bandixon tumanida aholi turmush farovonligini oshirish, ijtimoiy soha ob’ektlari faoliyatini tahlil qilish hamda fuqarolar murojaatlarini ijobiy hal etish borasida deputatlik nazorati tadbirlari amalda olib borilmoqda.

Xalq deputatlari Bandixon tuman Kengashining 12-“Obod yurt” saylov okrugi deputati N.Allamuratova hamda tuman Kengashi kotibiyati bosh mutaxassisi E.Eshonqulov “Obod yurt” MFYda bo‘lib, xonadonbay o‘rganish ishlarini amalga oshirdi.

Tashrif davomida maxsus savolnomalar asosida aholining yashash sharoitlari, ijtimoiy muhofazaga muhtojlik darajasi va kommunal-infratuzilma holati o‘rganildi. Muloqotlar davomida fuqarolar tomonidan sog‘liqni saqlash, ijtimoiy ko‘mak hamda mahalla drayverlariga oid ko‘tarilgan barcha murojaatlar deputatlik nazoratiga olinib, ularni hal etish bo‘yicha tegishli idoralarga deputatlik so‘rovlari yuborilishi belgilandi.