#Deputatlik_nazorati #Kotibiyat_hududlarda #24_ta_tavsiyaviy_savol #ekspert_guruhlari #Doimiy_komissiya_nazorati #deputatlik_guruhlari

Kuz-qish mavsumiga tayyorgarlik ishlari nazoratda

🇺🇿 Xalq deputatlari Uchtepa tumani Kengashidagi “Adolat” SDP deputatlik guruhi a'zosi, “10-Oqmachit” saylov okrugi deputati Abdullayev Farxod Ravshanovich tashabbusi bilan okrug hududidagi Quyi Darxon mahallasi Chevar ko‘chasida kuz-qish mavsumiga tayyorgarlik doirasida olib borilayotgan ishlar joyiga chiqib o‘rganildi.

📈 O‘rganish jarayonida “Veolia Energy Tashkent” MCHJ XK tomonidan hududdagi issiqlik ta’minoti tizimini kuz-qish mavsumiga tayyorlash bo‘yicha amalga oshirilayotgan ishlarning borishi, mavjud muammolar va ularni bartaraf etish choralari ko‘rib chiqildi.

📁 Mazkur ishlarni xalq deputatlari Uchtepa tumani Kengashining agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi raisi Xudayberganov Avaz Abrarovich joyiga chiqqan holda o‘rgandi.

🕯 O‘rganish davomida kuz-qish mavsumida aholini uzluksiz va sifatli issiqlik energiyasi bilan ta’minlash, issiqlik tarmoqlarining barqaror ishlashini ta’minlash hamda aniqlangan kamchiliklarni o‘z vaqtida bartaraf etish masalalariga alohida e’tibor qaratildi.

💼 O‘rganishda xalq deputatlari Uchtepa tumani Kengashi kotibiyati bosh mutaxassisi Zarnigor Kuziyeva, Ekspert guruhi a’zolari hamda mahalla faollari ishtirok etdilar.

📆 Mas’ullarga mavsumga tayyorgarlik ishlarini belgilangan muddatlarda va sifatli yakunlash, aholi uchun qulay shart-sharoitlarni ta’minlash yuzasidan tegishli tavsiya va ko‘rsatmalar berildi.

⚙️ Kuz-qish mavsumiga puxta tayyorgarlik ko‘rish hamda kommunal xizmatlar faoliyatini samarali tashkil etish deputatlik nazoratining muhim yo‘nalishlaridan biri bo‘lib, bu boradagi ishlar izchil davom ettiriladi.