Xalq deputatlari Qo‘qon shahar Kengashi 26-“Yangi obod” saylov okrugi deputati G.Payg‘amova tomonidan “Turkiston” mahalla fuqarolar yig‘inida saylovchilar bilan uchrashuv hamda hududdagi mavjud muammolarni o‘rganish ishlari olib borildi.

O‘rganish davomida Maxram ko‘chasini asfaltlashtirish masalasi ko‘tarildi. Fuqarolar ko‘chaning mavjud holati, ayniqsa, noqulay ob-havo sharoitlarida aholi va transport vositalarining harakatlanishida qiyinchiliklar yuzaga kelayotganini ta’kidladilar.

Murojaat davomida fuqarolar ko‘chani ta’mirlash va asfalt qoplamasi yotqizish bo‘yicha amaliy yordam so‘radilar.

Mazkur masala deputat tomonidan nazoratga olinib, ko‘chani asfaltlashtirish imkoniyatlarini o‘rganish va tegishli choralarni ko‘rish yuzasidan mas’ul tashkilotlarga murojaat qilish bo‘yicha tegishli choralar belgilandi.

Xalq deputatlari Qo‘qon shahar Kengashi