#Kunlik_ish_reja #kotibiyat_xodimi_faoliyati
#nazorat_tahlil #deputat_okrugida
#mahalla_yettiligi_bilan_hamkorlik

“Rabotak” mahallasidagi mavjud holat o‘rganildi

Xalq deputatlari tuman Kengashiga 12-Rabotak saylov okrugidan saylangan deputat M.Juraqulovaning saylov okrugi hududidagi “Rabotak” mahallasida tuman Kengashi kotibiyati bosh mutaxassisi A.Mamarajabov mahalla raisi hamda hokim yordamchisi faoliyati bilan tanishib, mahalladagi mavjud muammolar yuzasidan suhbatlashdi.

O‘rganish davomida mahallada 1 211 ta xonadon, 1 277 ta oila va 4 972 nafar aholi istiqomat qilishi, 32 nafar ishsiz fuqaro mavjudligi, 146 ta oila Ijtimoiy reestrga, 104 nafar xotin-qiz “Ayollar daftari”ga kiritilgani, 156 nafar fuqaro migratsiyada ekani hamda 4 ta oila ajrim yoqasida ekani haqida ma’lumotlar o‘rganildi. Mazkur yo‘nalishlarda tegishli ishlar olib borilayotgani qayd etildi.

Shuningdek, mahalla raisi tomonidan “Xonchorvoq” va “Pillaxona” ko‘chalariga jami 20 dona elektr tayanch ustunlarini o‘rnatish, shuningdek, “Xonchorvoq” va “Paxtakor” ko‘chalarida ichimlik suvi ta’minoti mavjud emasligi bilan bog‘liq muammolar bildirildi.

Aniqlangan muammolarni tegishli tashkilotlar bilan hamkorlikda o‘rganish, ularni bartaraf etish yuzasidan amaliy choralar ko‘rish hamda zarur hollarda deputatlik so‘rovlari yuborish belgilandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram