#Kunlik_ish_reja #kotibiyat_xodimi_faoliyati
#nazorat_tahlil #deputat_okrugida

Saylov okrugidagi aholi murojaatlari o‘rganildi

Xalq deputatlari tuman Kengashiga 24-Shreder saylov okrugidan saylangan deputat S.Abdishukurovning saylov okrugi hududidagi “Bog‘bonlar yurti” mahallasiga tuman Kengashi kotibiyati bosh mutaxassisi J.Donayev tashrif buyurib, mahallaning “Uzumzor” ko‘chasida ko‘chaboshilar bilan suhbatlashdi hamda aholi tomonidan bildirilgan mavjud muammo va takliflarni o‘rgandi.

O‘rganish davomida mahalla ichki yo‘llarida avtomobillarning yuqori tezlikda harakatlanishi natijasida aholi xavfsizligi bilan bog‘liq muammolar yuzaga kelayotgani bildirildi. Shu munosabat bilan avtomobillar tezligini cheklash maqsadida sun’iy notekislik (tezlikni pasaytiruvchi moslama) o‘rnatish taklifi bildirildi.

Shuningdek, ayrim xonadonlarning tomorqa va hovlilaridan o‘tgan elektr tayanch ustunlarini xavfsizroq joyga ko‘chirish masalasida ham murojaatlar kelib tushdi.
Bildirilgan murojaat va takliflar yuzasidan tegishli choralar ko‘rilishi, zarur hollarda mas’ul tashkilotlarga deputat so‘rovi yuborilishi belgilandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram