Xalq deputatlari Muzrabot tumani Kengashi kotibiyati mudiri Dilmurod Sherboyev hamda tuman Kengashi kotibiyati bosh mutaxassisi B. Xoliqov birgalikda Xalq deputatlari Muzrabot tumani Kengashining 24-«Navbahor» saylov okrugidan saylangan deputat A. Suvanovning saylov okrugiga qarashli «Xalq yo‘li» mahallasida bo‘lib, mahalladagi mavjud muammolarni bartaraf etish ishlarining borishini mahalla raisi ishtirokida muhokama qildi.

Suhbat davomida mahalladagi ijtimoiy-iqtisodiy, infratuzilma va kommunal sohalarga oid dolzarb masalalarning yechimi, aholi murojaatlari asosida belgilangan vazifalar ijrosi, amalga oshirilayotgan chora-tadbirlarning samaradorligi hamda mavjud muammolarni qisqa muddatlarda bartaraf etish yuzasidan olib borilayotgan ishlar atroflicha ko‘rib chiqildi.

Shuningdek, aholi uchun qulay va munosib yashash sharoitlarini yaratish, mahalla infratuzilmasini yanada yaxshilash, aniqlangan kamchiliklarni o‘z vaqtida bartaraf etish hamda har bir masala yuzasidan mas’uliyatni kuchaytirish bo‘yicha zarur ko‘rsatma va tavsiyalar berildi.