Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial demokratik partiyasidan saylangan deputat T.Mirsidiqov tomonidan tumanning “Ugam” mahallasi raisi B.Tojiboyev bilan suhbat o‘tkazilib, hududda amalga oshirilayotgan obodonlashtirish ishlari, aholi uchun munosib va xavfsiz yashash sharoitlarini yaratish, shuningdek, jinoyatchilik va huquqbuzarliklarning oldini olish borasida olib borilayotgan ishlar tahlil qilindi.

🟢Suhbat davomida mahalladagi ko‘chalar, ichki yo‘llar, umumiy foydalanishdagi hududlar, ariq-zovurlar hamda aholi yashash punktlarining sanitariya va obodonlik holati muhokama qilindi. Hududni doimiy ravishda tozalash, chiqindilarni o‘z vaqtida olib chiqish, ko‘cha va yo‘laklarni tartibga keltirish, mavjud kamchiliklarni bartaraf etish bo‘yicha amalga oshirilayotgan ishlar yuzasidan ma’lumotlar olindi.

🟢O‘rganish jarayonida mahallada joriy yil davomida 1 ta firibgarlik jinoyati sodir etilgani ma’lum bo‘ldi. Mazkur holat yuzasidan jinoyatning kelib chiqish sabablari va unga imkon bergan omillarni tahlil qilish, aholi o‘rtasida firibgarlikning keng tarqalgan usullari haqida tushuntirish ishlarini kuchaytirish zarurligi ta’kidlandi.

🟢O‘rganish yakunida mahallada obodonlashtirish ishlarini tizimli davom ettirish, aniqlangan kamchiliklarni bartaraf etish, jamoat xavfsizligini ta’minlash hamda jinoyatchilikning oldini olish bo‘yicha mas’ul tashkilotlar va mahalla faollari hamkorligini kuchaytirish bo‘yicha tegishli tavsiyalar berildi.