Xalq deputatlari Hazorasp tuman Kengashi raisi Quryozov Suxrobbek Matchanovich tashabbusi bilan mahalliy dasturlar ijrosi hamda hududdagi muammolarni manzilli o‘rganish maqsadida Ishchilar mahallasida o‘rganish ishlari olib borildi.
O‘rganish davomida mahallada elektr energiyasi ta’minotini yaxshilash, mavjud tarmoq infratuzilmasini modernizatsiya qilish va aholiga ko‘rsatilayotgan xizmatlar sifatini oshirish masalalariga alohida e’tibor qaratildi. Jumladan, yangi transformator o‘rnatish, eskirgan yog‘och elektr ustunlarini yangilash hamda elektr simlarini zamonaviy kabel tizimiga almashtirish ishlari joyiga chiqib ko‘zdan kechirildi.

Aniqlangan muammolarni bartaraf etish yuzasidan tegishli mutasaddi tashkilotlar bilan maslahatlashgan holda zarur choralar belgilandi. Kelishilgan holda elektr ta’minotini yaxshilash, yangi transformator o‘rnatish hamda elektr tarmoqlarini yangilash bo‘yicha amaliy ishlar boshlab yuborildi.

O‘rganish jarayonida Xalq deputatlari Hazorasp tuman Kengashi deputatlari Yaqubboy Qutlimuratov hamda Qo‘chqarov Shixnazar Yusupovich faol ishtirok etib, hududdagi mavjud muammolarni o‘rganish va ularning amaliy yechimini ta’minlashga alohida e’tibor qaratdilar.