Mahalliy Kengash deputatlari faoliyatining eng muhim yo‘nalishlari bo‘yicha belgilangan 24 tavsiya asosida hududlarda o‘rganish va monitoring ishlari izchil davom ettirilmoqda.

Xalq deputatlari Andijon shahar Kengashi 16-Yorboshi saylov okrugi deputatlik o‘rni vakant bo‘lganligi sababli, shahar Kengashi kotibiyatining bosh mutaxassisi Avazbek Appaqov tomonidan "Soy" MFYda o‘rganish ishlari olib borilmoqda.

O‘rganish davomida mahalla raisi bilan birgalikda mahalla ichki yo‘llarini ta'mirlash va asfaltlashtirish, aholi uchun qulay shart-sharoitlar yaratish maqsadida "Ochiq budjet" dasturi doirasida amalga oshirilayotgan ishlar ko‘zdan kechirildi hamda ularning borishi yuzasidan fikr almashildi.

Hudud infratuzilmasini yaxshilash va aholi farovonligini oshirishga qaratilgan amaliy ishlar davom ettirilmoqda.